Nga Dr. HASAN BELLO
Memorie.al / Revolucioni i Turqve të Rinj i vitit 1908, kishte rindezur shpresën tek popujt e ndryshëm të perandorisë. Premtimet e bëra nga xhonturqit kishin bërë për vete edhe shqiptarët. Por, shpallja e Kushtetutës dhe hapja e parlamentit të dytë Osman, në vend që të çonte përpara reformat për përmirësimin e situatës ekonomike, u kthye në një arenë luftërash politike. Kjo skotë njerëzish, – siç i quan me të drejtë Syrja bej Vlora xhonturqit, – që në Stamboll e Shqipëri kishin marrë në duart e tyre të paafta frerin e qeverisjes, përpiqeshin ta shfajësonin qeverinë, të cilën e konsideronin si pronën e tyre. Me një urrejtje të pasosur ata konsakruan fuqinë e tyre, për të zhveshur shqiptarët nga ndjenjat e sinqerta dhe nga mjetet e qëndresës që zotëronin.
This is a companion discussion topic for the original entry at https://memorie.al/ne-gazeten-turki-i-ri-thuhej-se-drejtori-i-bankes-kombetare-osmane-sir-ernest-cassel-duhej-ti-ofronte-ismail-qemalit-100-000-sterlina-ryshfet-qe-te-merrte/