Ndërsa thashethemet e para rreth funksionimit të reklamave në Bing janë shfaqur, Microsoft ka njoftuar se do të fillojë testimin e një veçorie të re në motorin e kërkimit që do t’i lejojë përdoruesit të zgjedhin tonin e përgjigjeve të motorit të kërkimit.
Sapo opsioni të jetë i disponueshëm, përdoruesit do të kenë mundësinë të zgjedhin midis përgjigjeve më të sakta, të balancuara ose kreative. “Ne do të fillojmë testimin e një opsioni shtesë që do t’ju lejojë të zgjidhni tonin e bisedës nga më të sakta – që do të fokusohen në përgjigjet më të shkurtra dhe më të përqendruara në kërkime – në të balancuara, në më kreative – që do të ofrojnë përgjigje më të gjata dhe më llafazane “, tha ekipi i Bing.
Me këtë opsion të ri, kompania amerikane dëshiron të japë më shumë kontroll mbi sjelljen e chatbot-it, për të përmbushur më mirë nevojat e përdoruesve.
Por kjo nuk është e gjitha, sepse kompania Redmond shpjegoi gjithashtu se kishte zgjeruar kufijtë e bisedës të shpallur të premten (maksimumi 5 pyetje për një total prej 50 shkëmbimesh në ditë) për të lejuar një “përdorim më të natyrshëm të Bing në jetën e përditshme”. Nga sot, numri i shkëmbimeve është rritur në gjashtë për seancë për një total prej 60 bisedash në ditë.
Në planin afatgjatë, Microsoft planifikon të rrisë kufirin ditor në 100 gjithsej biseda dhe të bëjë që kërkimet normale të mos llogariten më në numrin total të bisedave.
This is a companion discussion topic for the original entry at https://zero1.al/2023/02/22/microsoft-do-tju-lejoje-te-zgjidhni-tonin-e-bisedave-ne-bing-me-chatgpt/