1941 – Marina Perandorake e Japonisë, kryen një sulm befasues ndaj Flotës së Paqësorit të Shteteve të Bashkuara dhe forcave të tij mbrojtëse të Ushtrisë dhe Detare në Pearl Harbour, të Hawai-it. 2,403 marinarë dhe ushtarë, amerikanë u vranë dhe 1,178 të tjerë u plagosën. Ky sulm ushtarak, shërbeu si shkak që Shtetet e Bashkuara të Amerikës, të hynin zyrtarisht në Luftën e Dytë Botërore.
1962 – Princi Rainier III i Monakos rishikon kushtetutën e principatave, duke shpërndarë një pjesë të fuqisë së tij në këshillat legjislative. Kushtetuta e Monakos, e miratuar për herë të parë në vitin 1911, përshkruan tre degë të qeverisë, duke përfshirë disa zyra administrative dhe një numër këshillash, të cilët ndajnë fuqinë këshilluese dhe legjislative me princin.
1965 – Papa Pali VI dhe Patriarku Athenagoras I njëkohësisht revokojnë komunikimet e ndërsjella që kishin ekzistuar që nga viti 1054. Deklarata e Përbashkët Katolike-Ortodokse e vitit 1965 u lexua në 7 dhjetor 1965 njëkohësisht në një mbledhje publike të Këshillit të Dytë të Vatikanit në Romë dhe në një ceremoni të veçantë në Stamboll.
1984 – Lind në Krakow të Polonisë, Robert Kubica. Kubica, është një pilot i garave me makina. Ai u bë piloti i parë dhe i vetëm polak që garoi në Formula 1. Midis 2006 dhe 2009 ai garoi për ekipin BMW Sauber F1. Në qershor 2008, Kubica mori fitoren e tij të Madhe në Formula 1 në Grand Prix të Kanada-së, duke u bërë shoferi i parë polak që fiton një të tillë.
1988 – Tërmeti me magnitudë 6.8 ballë të shkallës Mercalli goditi Armeninë, duke vrarë 50.000 njerëz, dhe duke plagosur 130.000 të tjerë. Tronditja ndodhi në rajonin verior të Armenisë (asokohe pjesë e Bashkimit Sovjetik) e cila është e ndjeshme ndaj tërmeteve të mëdha dhe shkatërruese dhe është pjesë e një rripi të madh aktiv sizmik që shtrihet nga Alpet në Himalajet.
1995 – Anija hapësinore Galileo arrin në Jupiter, pak më shumë se gjashtë vjet pasi u nis nga Space Shuttle Atlantis gjatë Misionit STS-34. Galileo mbërriti në Jupiter në 7 Dhjetor 1995, pas fluturimeve të asistencës gravitacionale të Venusit dhe Tokës dhe u bë anija e parë që orbitën e Jupiterit. Ajo nisi udhëtimin në Jupiter, duke matur drejtpërdrejt atmosferën e tij.
2006 – Vdes në moshën 80 vjeçare, Jean Kirkpatrick. Kirkpatrick, ishte një diplomate amerikan dhe politologe që luajti një rol të madh në politikën e jashtme të administratës Ronald Reagan. Jeane, kaloi në Partinë Republikane në 1985, pasi më parë kishte aderuar në atë Demokrate. Ajo u bë gruaja e parë që shërbeu si Ambasadore e Shteteve të Bashkuara në Kombet e Bashkuara .
This is a companion discussion topic for the original entry at https://memorie.al/kalendari-historik-7-dhjetor-2023/