Kalendari Historik 09 Korrik 2022

1922 Johnny Weissmuller noton 100 metra në stilin e lirë në 58.6 sekonda duke thyer rekordin botëror të notit dhe ‘pengesën e minutës’. Wissmuller ishte një nga notarët më të shpejtë në botë në vitet 1920-1930, duke fituar pesë medalje ari në Lojrat Olimpike në sportin e notit dhe një medalje bronzi për waterpolon.

 

 

1944Gjatë luftës Fino-Sovjetike, Finlanda fiton betejën e Tali-Ihantala, beteja më e madhe e luftuar ndonjëherë në territorin e Europës Veriore. Ushtria e Kuqe ndërkaq, tërheq trupat e saj nga Ihantala dhe gërmon në një pozicion mbrojtës, duke i dhënë fund kështu ofensivës ushtarake disa ditore në Vyborg-Petrozavodsk.

 

 

1955Manifesti Russell–Einstein bën thirrje për zvogëlimin e rrezikut të luftës bërthamore. Ajo nënvizoi rreziqet e paraqitura nga armët bërthamore dhe bëri thirrje për udhëheqësit e botës të kërkojnë rezolutat paqësore të konflikteve ndërkombëtare. Dy nga nënshkruesit kryesorë më të famshëm ishin, Bertrand Russell, dhe Albert Einstein.

 

1956Lind në California, Tom Hanks. Hanks, është një aktor dhe kineast amerikan. I njohur për rolet e tij komike dhe dramatike, Hanks është një nga yjet më të njohur  të filmit në të gjithë botën, dhe vlerësohet gjerësisht si një ikonë kulturore amerikane. Filmat e Hanks kanë grumbulluar më shumë se 5 miliardë dollarë.

 

 

1957Lind në Tiranë Ardian Klosi, ishte publicist, përkthyes, opinionist dhe aktivist shqiptar. Prej 1981 deri më 1986 punoi si redaktor dhe përkthyes pranë shtëpisë botuese “Naim Frashëri”, duke përkthyer autorë si Th. MannS. ZweigH. BöllM. Twain etj. Prej 1986 deri më 1990 studioi Gjermanistikë dhe Letërsi të Krahasuar pranë universitetit të Innsbruck në Austri. Doktoroi me temën “Miti dhe zhvillimi i tij në Letërsinë Moderne të vendeve të Evropës Jug-Lindore”. Nga viti 1993-1998 ka qëndruar në Gjermani. Në vitin 1998 u rikthye në Shqipëri ku u emërua nga qeveria socialiste si Drejtor i Përgjithshëm i Radio Televizionit Shqiptar. Qysh nga 2004 drejtoi shoqatën kulturore gjermano-shqiptare “Robert Schwartz”. Ardian Klosi i dha fund jetës së tij më 26 prill 2012.

 

1962Starfish Prime teston efektet e një prove bërthamore në një lartësi orbitale. Një raketë Thor që mbante një kapele termonukleare W49 (projektuar nga Laboratori Shkencor Los Alamos) dhe një Mk. 2 automjete reentry u lëshua nga Johnston Atoll në Oqeanin Paqësor, rreth 900 milje (1500 km) në jug-perëndim të ishujve Hawaii.

 

 

1982Avioni civil i linjës ajrore, Pan Am 759, rrëzohet në Kenner, të Luizianës, duke vrarë të 145 personat që ndodheshin në bord dhe tetë të tjerë në tokë. Ky fluturim, ishte planifikuar për të përshkuar linjën ajrore midis Miamit dhe San Diegos. Përplasja pati numrin më të madh të viktimave të aviacionit në 1982.

 

 

1993Parlamenti i Kanadasë kalon Aktin e Nunavut që çon në krijimin e Nunavut të vitit 1999, duke i ndarë territoret veriperëndimore në tokat arktike (Inuit) dhe nën arktike (Dene) bazuar në një plebishit të madh popullor. Ky ishte plebishiti i parë i gjerë i një rajoni kanadez, i kryer në historinë e Territoreve Veriperëndimore.

 

 

1997– Në Gostivar të Maqedonisë së Veriut, ndodhën protestat e popullatës shqiptare pas arrestimit të kryetarit të komunës Rufi Osmani, i cili e ngriti flamurin shqiptar në ndërtesën komunës në këtë qytet. Më 8 korrik të vitit 1997, në orët e vona të natës, Kuvendi i Maqedonisë miratoi ligjin, përmes të cilit u lejua zyrtarisht përdorimi i kufizuar i flamujve të nacionaliteteve, pra edhe i Flamurit të shqiptarëve, por vetëm për përdorim në dimensionin privat dhe kulturor. Manifestimi i protestës nisi si pasojë e heqjes në orën 01:30 të mëngjesit, të datës 9 korrik, të flamurit kombëtar shqiptar nga forcat speciale të policisë. Dy orë pas heqjes së flamurit, forcat e policisë arrestuan rreth 30 veprimtarë politikë shqiptarë, përfshi këtu edhe kryetarin e atëhershëm të komunës së Gostivarit, Rufi Osmani. Pasojat e ngjarjeve të përgjakshme të 9 Korrikut ishin tragjike dhe të përgjakshme, u vranë tre shqiptarë, Dr. Shpend Iseini, Nazmi Saliu dhe Milaim Dauti, u plagosën me qindra të tjerë, u keqtrajtua pa mëshirë çdo qytetarë jo maqedonas që gjendej duke lëvizur nëpër rrugë. Qytetarët shqiptarë të Gostivarit u mblodhën përpara godinës komunale për të protestuar në mënyrë paqësore kundër heqjes së flamurit shqiptar, sfidë kjo e cila u shoqërua me ushtrimin e dhunës, forcës dhe shtypjes të shtetit ndaj popullatës shqiptare.

 

2002 – Vdes në moshën 77 vjeçare, Rod Steiger. Steiger, ishte një aktor amerikan, i shquar për portretizimin e tij të personazheve jo të mirë, shpesh të paqëndrueshëm dhe të çmendur. Disa nga filmat e tij janë, Charlie On the Waterfront, The Pawnbroker, Oklahoma, Heat of Night, Doctor Zhivago, Waterloo, Last Days of Mussolini, End of Days, etj.

 

 


This is a companion discussion topic for the original entry at https://memorie.al/kalendari-historik-09-korrik-2022/