Brenda pak orësh nga lansimi i GPT-4 të ri, një agjenci spiunazhi në Mbretërinë e Bashkuar ngriti alarmin dhe pretendoi se chatbot-et si ChatGPT mund të përbënin një kërcënim për sigurinë kombëtare.
Në një postim në blog, Qendra Kombëtare e Sigurisë Kibernetike përshkroi rreziqet për individët dhe bizneset nga përdorimi i chatbot-eve të bazuara në AI. Në këtë rast, theksohet sesi kriminelët kibernetikë po mbështeten në këto sisteme për të shkruar “email bindëse phishing”, por edhe për të organizuar sulme hakerash “përtej aftësive të tyre aktuale”.
Për më tepër, theksohet gjithashtu se pyetjet e futura nga përdoruesit ruhen nga kompanitë që ofrojnë këto shërbime: në këtë mënyrë kompanitë mund t’i përdorin ato për të trajnuar versionet e ardhshme të chatbot-eve. Ndër shembujt e tjerë të dhënë është ai për pyetjet delikate për shëndetin, por edhe të natyrës tjetër (shembulli është dhënë i një CEO që pyet “mënyra më e mirë për të pushuar një punonjës”).
NCSC gjithashtu thekson se pyetjet e arkivuara “mund të hakohen, të zbulohen ose më shumë të ngjarë të bëhen aksidentalisht të aksesueshme për publikun. Kjo mund të përfshijë informacione potencialisht të identifikueshme nga përdoruesi.”
Nga OpenAI, i cili sapo nënvizoi se si ChatGPT i ri ka më pak halucinacione, nuk janë marrë asnjë koment në lidhje me këtë raport.
This is a companion discussion topic for the original entry at https://zero1.al/2023/03/15/sherbimi-sekret-kunder-chatbots-si-chatgpt-jane-kercenim-per-sigurine/