Kalendari Historik 28 Dhjetor 2022

1895 – Wilhelm Röntgen boton një letër ku detajon zbulimin e tij të një lloji të ri rrezatimi, i cili më vonë do të njihet si rrezet X. Në shumë gjuhë, rrezatimi X përmendet si rrezatim Röntgen, pas shkencëtarit gjerman Wilhelm Röntgen, i cili e zbuloi atë më 8 nëntor 1895. Ai e quajti atë rrezatim X për të nënkuptuar një lloj rrezatimi të panjohur.

 

 

1908 – Një tërmeti 7.1 ballë në Messina, trondit Italinë Jugore me një intensitet maksimal të shkallës Mercalli. Gjatë këtij tërmeti, mbetën të vrarë afro 100 mijë vetë. Qytetet e Mesinas dhe Reggio Kalabrias u shkatërruan pothuajse plotësisht, nga lëkundjet e tmerrshme. Ky tërmet, konsiderohet deri tani, si më i fuqishmi dhe më shkatërrimtari, i rënë ndonjëherë jo vetëm në Itali, por edhe në Europë.

 

1912 – Tramvajët e parë në botë, demonstrohen në hekurudhën bashkiake, në rrugët e San Francisco’s. Deri në vitin 1912, mbetën vetëm tetë linja tramvajesh, në këtë qytet, të gjitha me gradient të pjerrët dhe të pakalueshëm për kasetat elektrike. Në vitet 1920 dhe 1930, këto linja të mbetura u vunë nën presion nga autobusët më të përmirësuar të kohës.

 

1918 – Constance Markievicz, ndërsa ishte e arrestuar në burgun në Holloway-t, u bë gruaja e parë që u zgjodh deputete në Shtëpinë e Komunave Britanike. Markievicz, ishte një politikane irlandeze, revolucionare, sufragiste, socialiste, gruaja e parë e zgjedhur në Parlamentin e Westminster-it. Ajo u zgjodh Ministre e Punës, duke u bërë ministrja e parë femër e kabinetit në Evropë.

 

1943 – Autoritetet sovjetike fillojnë Operacionin Ulussy, duke filluar dëbimin e popullsisë kalmuke në Siberi dhe Azinë Qendrore. Familjet dhe individët e kësaj etnie, u zhvendosën me forcë në vagonët e bagëtive për në, në vendbanime të veçanta për punë të detyruar në Siberi. Me mijëra do të vuanin pasojat e rënda të këtij internimi.

 

 

1947 – Vdes në moshën 78 vjeçare, në Alexandria, Viktor Emanueli i III. Viktor Emanueli, ishte Mbreti i Italisë nga 29 korriku 1900 deri në heqjen e tij më 9 maj 1946. Përveç kësaj, ai mbajti fronet e Etiopisë dhe të Shqipërisë. Gjatë mbretërimit të tij gati 47 vjet, i cili filloi pas vrasjes së babait të tij Umberto I, Mbretëria e Italisë u përfshi në dy luftëra botërore.

 

1954 – Lind në Mount Vernon, Denzel Washington. Washington, është një aktor, regjisor dhe producent amerikan. Ai ka marrë dy çmime Golden Globe, një çmim Tony, dhe dy çmime Academy Award. Ai u cilësua si aktori më i mirë mbështetës për filmin dramë historike të luftës Glory, dhe aktori më i mirë për rolin e tij si detektiv i korruptuar Alonzo Harris në Training Day.

 

1956 – Chin Peng, David Marshall dhe Tunku Abdul Rahman takohen në Baling, të Malajzisë për të provuar dhe zgjidhur situatën e emergjencës atje. Bisedimet ishin të pa suksesshme sepse kushtet e dorëzimit nuk ishin të pranueshme për Partinë Komuniste Malajane. Pas bisedimeve, Chin Peng u tërhoq në Tajlandë dhe Ah Hai e zëvendësoi atë si ushtrues detyre të Sekretarit të Përgjithshëm .


This is a companion discussion topic for the original entry at https://memorie.al/kalendari-historik-28-dhjetor-2022/