Kalendari Historik 24 Shkurt 2023

1918 – Estonia, deklaron Pavarësinë, nga Rusia. Deklarata u hartua nga Komiteti i Shpëtimit i zgjedhur nga pleqtë e Asamblesë Provinciale Estoneze. Fillimisht synohet të shpallet në 21 shkurt 1918, proklamata u vonua deri në mbrëmjen e 23 shkurtit, kur manifesti u shtyp dhe u lexua me zë të lartë publikisht në Pärnu. Të nesërmen, 24 shkurt, manifesti u shtyp dhe shpërndarë në kryeqytetin Tallinn.

 

1934 – Lind në Milano, Bettino Craxi. Craxi, ishte një politikan italian, udhëheqës i Partisë Socialiste nga 1976 deri në 1993 dhe Kryeministër i Italisë nga 1983 deri në 1987. Ai ishte i pari anëtar i Partisë Socialiste Italiane që u bë Kryeministër dhe i treti nga një parti socialiste që mbante detyrën. Craxi drejtoi qeverinë e tretë më të gjatë në Itali dhe ai konsiderohet një nga politikanët më të fuqishëm dhe të spikatur të Republikës së Parë.

 

1949 – Nënshkruhen, marrëveshjet e armëpushimit, për të përfunduar zyrtarisht armiqësitë e luftës arabo-izraelite të vitit 1948. Marrëveshjet e Armëpushimit të vitit 1949 janë një grup marrëveshjesh, të nënshkruara gjatë vitit 1949 midis Izraelit dhe Egjiptit fqinj, Libanit, Jordanisë, dhe Sirisë për të përfunduar konfliktin, dhe vendosjen e linjave të armëpushimit midis këtyre forcave, të njohura gjithashtu si Linja e Gjelbër.

 

1978 – Një grup prej 5 personash nga Yuba City, CA humbasin në pyllin kombëtar Plumas të Sierra Nevada. Katër trupat e tyre janë gjetur në qershor të po këtij viti, por njëri prej tyre mungonte. Ata do të njiheshin më vonë si “Të pestët e Yubas”. Zhdukja e befasishme e këtyre personave, vazhdon të jetë një nga misteret më të mëdha të Shteteve të Bashkuara të Amerikës. Edhe sot pas 42 vitesh një përgjigje e plotë, mungon ende.

 

1990 – Vdes në Far Hills, në moshën 70 vjeçare, Malcolm Forbes. Forbes, ishte një sipërmarrës amerikan më i njohur si botuesi i revistës Forbes, i themeluar nga babai i tij B. C. Forbes. Ai njihej si një promovues i zjarrtë i kapitalizmit dhe tregtisë së lirë, dhe për një mënyrë jetese ekstravagante, shpenzime për festa, udhëtime dhe koleksionin e tij të shtëpive, jahteve, avionëve, artit, motoçikletave dhe vezëve Faberge.

 

1996 – Dy aeroplanët civilë të operuar nga grupi me seli në Miami Brothers to Rescue janë qëlluar në ujërat ndërkombëtare nga Forcat Ajrore Kubaneze. Brothers to Rescue, është një organizatë me veprimtari jofitimprurëse e krahut të djathtë me seli në Miami, e kryesuar nga Jose Basulto. I formuar nga mërgimtarët kubanë, grupi është i njohur për kundërshtimin e tij ndaj qeverisë Kubane dhe ish-udhëheqësit të saj Fidel Castro.

 

2007 – Japonia lëshon satelitin e saj të katërt spiun, duke rritur aftësinë e saj për të monitoruar kërcënimet e mundshme siç është Koreja e Veriut. Shteti komunist, në mënyrë të vazhdueshme, gjatë këtyre viteve e në vazhdim, kërcënon me programin e tij bërthamor, fqinjët koreano-jugorë, dhe ata japonezë. Gadishulli Korean, është një nga rajonet më të mbikqyrura nga satelitët spiunë në botë.


This is a companion discussion topic for the original entry at https://memorie.al/kalendari-historik-24-shkurt-2023/