1940 – Henry Larsen fillon navigimin e parë të suksesshëm perëndim-lindje të Northwest Passage nga Vancouveri, për në British Columbia të Kanadasë. Ky udhëtim ishte kalimi i dytë i anijeve të Passage Northwest dhe i pari nga perëndimi në lindje. Rruga ishte pothuajse e njëjtë me atë të Roald Amundsen të vitit 1903.
1951 – Lançohet zyrtarisht transoqeaniku, SS United States. Ai ishte projektuar nga arkitekti amerikan detar William Francis Gibbs dhe mund të shndërrohet në një luftë-anije, nëse do të kërkohej nga marina ushtarake, në një kohë lufte. Kostoja e ndërmit të kësaj anijeje do të kushtonte rreth 80 milionë dollarë, të kohës.
1960 – Lindi në Sfeçël Fadil Vokrri, njihet si “Legjenda e futbollit shqiptar” dhe mbetet futbollisti më i njohur dhe i adhuruar në Kosovë. Në vitet ’80 Fadil Vokrri arriti kulmin e karrierës se tij. Ai e filloi karrierën e tij si futobollist me KF Llapi të Podujevës dhe më vonë kaloi tek KF Prishtina dhe luajti për një periudhë edhe me KF Partizani i Beogradit. Ai pati mundësi të arrinte edhe më shumë në karrierën e tij. Në vitin 1987 klubi i futbollit Juventus ishte i interesuar për të dhe i propozoi nënshkrimin e një kontrate disa vjeçare. Në atë vit Fadil Vokrri ishte vlerësuar si futbollisti më i mirë i vitit në Jugosllavi. Gjatë periudhës së shërbimit ushtarak ai luajti për KF Partizani i Beogradit. Në atë kohë Fadil Vokrrit iu propozua të luante edhe për Dinamo e Zagrebit. Pas përfundimit të karrierës si futbollist, Fadil Vokrri u vendos me banim në Francë, ku u bë trajner i një ekipi futbolli të ligës së dytë. Fadil Vokrri ka qenë president i KF Prishtina dhe nën udhëheqjen e tij stadiumi i Prishtinës u modernizua shumë. Fadil Vokrri ishte president i Federatës së Futbollit Kosovar, FFK.
1961 – Gjatë Luftës së Ftohtë, Traktati i Antarktikut, i cili lë mënjanë Antarktidën si një ruajtje shkencore dhe ndalon veprimtarinë ushtarake në kontinent, hyn në fuqi 18 muaj pasi data e hapjes për nënshkrim ishte caktuar për 1 dhjetor 1959. Traktati ishte marrëveshja e parë për kontrollin e armëve, e vendosur gjatë Luftës së Ftohtë.
1972 – Lind në Marsejë, Zinedine Zidane. Zidane, është një ish-futbollist profesionist francez që luajti si një mesfushor. I konsideruar gjerësisht si një nga lojtarët më të mëdhenj të të gjitha kohërave, ai ishte një lojtar i njohur për elegancën, vizionin, kalimin, kontrollin e topit dhe teknikën e tij. Disa nga ekipet ku ai debutoi janë, Juventus dhe Real Madrid.
1985 – Një bombë terroriste shpërthen në Aeroportin Ndërkombëtar Narita afër Tokios. Një orë më vonë, i njëjti grup shpërthen një bombë të dytë në fluturimin e Air India 182 ,Air India duke sjellë avionin Boeing 747 në brigjet e Irlandës duke vrarë të 329 pasagjerët në bord. Ekstremistët Sikh që jetojnë në Kanada besohet se janë përgjegjës për të dy sulmet.
1996 – Vdes në moshën 77 vjeçare, Andreas Papandreou. Papandreou, ishte një ekonomist, politikan dhe një figurë mbizotëruese në politikën greke, i njohur për themelimin e partisë PASOK, të cilën ai drejtoi nga viti 1974 deri në 1996. Ai shërbeu tre herë si kryeministër i Greqisë, dhe shpesh vlerësohet si një nga udhëheqësit më të nderuar.
2016 – Mbretëria e Bashkuar voton në një referendum për të lënë Bashkimin Evropian. Referendumi rezultoi në 52 përqind, të votave të hedhura në favor të largimit nga BE. Qeveria pasardhëse, e udhëhequr nga Theresa May, inicioi procesin zyrtar të tërheqjes më 29 mars 2017, që do të thotë se Mbretëria e Bashkuar do të linte BE-në më 29 mars 2019.
This is a companion discussion topic for the original entry at https://memorie.al/kalendari-historik-23-qershor-2022/